低脂火雞芝士 Tortilla Wrap

Tortilla Wrap係墨西哥特食菜之一，係英國亦係受歡迎嘅午餐選擇。最近天氣悶熱，呢個清新開胃嘅好適合做午餐。Tortilla Wrap一般可以係大型超級市場買到，餡料可隨意配搭。我今次介紹用火雞肉，因火雞肉屬低脂肪嘅肉類，而且蛋白質豐富。入面再放啲新鮮蔬菜，令口感更爽脆。

材料 :
免治火雞肉        80克
鹽                       1／4茶匙
胡椒                   1／4茶匙
香草                   1／3茶匙
低脂芝士           1片
洋蔥                   1／4個
羅馬生菜           1片
茄汁                   1湯匙

準備: 

1. 羅馬生菜洗淨，切絲。

2. 洋蔥切粒。

做法:

1. 將免治火雞肉用鹽、胡椒、香草醃約30分鐘。
2. 將免治火雞肉搓成肉丸，燒熱易潔鑊，加入1茶匙油 ，下洋蔥粒、肉丸，用中火煎至金黃色，取出。

3. 將洋蔥粒、火雞肉、低脂芝士和羅馬生菜絲放入tortilla wrap，加茄汁，將tortilla wrap捲起，即成。

蒜拍青瓜

夏天又來臨，又係時候keep fit啦。 蒜拍青瓜係好開胃而又低熱量嘅小食，而且做法十分簡單，大家快啲做黎試試。

材料：

溫室小青瓜            4 條

鹽麴                       1 茶匙 

黑醋                       2 茶匙

生抽                       1 茶匙

代糖                      1 茶匙

麻油                      2 茶匙 

蒜蓉：                   2茶匙

做法：

1. 青瓜洗淨，切半去籽，然後切成小段。

2. 將青瓜放入密實袋內，然後用擀麵棍拍打。

3. 將蒜頭剁蓉，備用。

4. 將其餘調味料拌勻，加入蒜頭, 青瓜, 拌勻後放進雪櫃醃2小時或過夜，即成。

★ 喜歡辣可加辣椒

低脂忌廉蘑菇雞肉螺絲粉

忌廉汁致肥原因係因為牛油同忌廉屬高脂肪食材，我用脫脂奶同低脂忌廉黎煮忌廉汁，脂肪量低好多，減肥都可以食!

材料 :
雞肉                     180克
鹽麴                     2湯匙 

糖                         1/2茶匙 

低脂牛油              5克

麵粉                     ３５克

脫脂奶                 ４００毫升

低脂忌廉              5０毫升
蘑菇                      5個
鹽                          1/3茶匙
香草                      1/3茶匙
螺絲粉                  1碗 

做法:
1. 雞肉用鹽麴和糖醃約30分鐘。
2. 蘑菇切片，備用。
3. 冷鍋下低脂牛油，燒熱煱，牛油溶化後，加入麵粉炒香。






























4. 加入冷脫脂奶、低脂忌廉、蘑菇片、鹽、香草，拌勻，不停攪拌，以細火煮成濃稠忌廉蘑菇汁。
5. 冷鍋下油，燒熱煱，將雞肉煎至金黃色，切片，備用。
6. 煲滾水，加入螺絲粉煮約7-10分鐘至軟身。
7. 將螺絲粉、忌廉蘑菇汁、雞肉拌勻，即成。

低脂蘿蔔糕

農曆新年就到，又係時候蒸糕！這低脂蘿蔔糕無臘腸臘肉，十分健康，就算家人有三高都可以食！

材料 (1x6.5”底份量):

白蘿蔔       1200克(2斤)

粘米粉       125克

粟粉           40克

香菇           10顆

乾貝           10顆

蝦米           15顆

油               2茶匙

蠔油           3湯匙

胡椒粉        2茶匙

蔥粒           1湯匙

準備:

1.      將香菇、乾貝及蝦米放進水中浸軟。

2.      將香菇切粒。

做法:

1.      把蘿蔔刨成絲，留著蘿蔔滲出的水備用。

2.      乾貝及蝦米浸水後在表面加水蒸約二十分鐘，把乾貝撕成絲，留下乾貝水備用。

3.      燒熱鑊，下1茶匙油，炒香香菇粒、乾貝絲及蝦米，備用。

4.      燒熱另一隻鑊，下1茶匙油，蘿蔔絲下鑊煮，熄火後加入(3) 、蠔油及三湯匙乾貝水。拌勻後下胡椒粉調味。

5.      拌勻粘米粉和粟粉，隔著篩子慢慢加進蘿蔔絲裡拌勻。

6.      把所有材料倒入已掃油的糕盤裡，隔水蒸約四十分鐘，最後加上蔥粒點綴。

薑餅人

聖誕節點少得可愛嘅薑餅人呢？今個聖誕節我就係屋企手做薑餅人！
  

材料:
低筋麵粉         300克
梳打粉            1茶匙
薑粉                2茶匙
肉桂粉            1茶匙
豆蔻粉            1/4茶匙
牛油                100克
黑糖                75克
蜜糖                45克
雞蛋                1隻

準備:

1.      預熱焗爐至180℃。

2.      將低筋麵粉和泡打粉一齊過篩。

3.      於焗盤上鋪上牛油紙。

4.      將低脂牛油放於室溫待其軟化。

5.      將雞蛋拌勻成蛋液。

做法:

1.      將牛油和黑糖放入打蛋盆內，用電動打蛋器拌勻至奶白色。

2.      將蜜糖和蛋液逐少加入（1）中，再用電動打蛋器拌勻。

3.      加入低筋麵粉，梳打粉，薑粉，肉桂粉和豆蔻粉，用膠刮拌勻，形成麵粉糰。

4.      將麵粉糰用保鮮膜包裹，放入雪櫃約1小時。

5.      用擀麵棍將麵粉糰壓開至3毫米厚，用曲奇餅模印出喜愛的型狀。

6.      將曲奇放在焗盤上，放入焗爐焗約12-15分鐘至呈金黃色。